ನಾನು ನಾನಾಗಿರಲು

ನನ್ನ ಹೃದಯವನು ನೆಲದ ಮೇಲಿಟ್ಟು

ನಿನ್ನ ಅಡಿಗಳಿಗೆ ಹಾಸು ಇಟ್ಟಿದ್ದೆ

ಭಾವಗಳ ಯಾವುದೇ ಗೋಜಿಗೆಡೆಗೊಡದೆ

ಹೃದಯ ಮಿಡಿತವು ತಂಪುಧೂಳಲಿ ಮಿಳಿತಗೊಂಡು

ಕಣಕಣಗಳಲೂ ಪ್ರಾಕೃತಿಕನಾಗುವಾಸೆ

ದಾರ್ಷ್ಟ್ಯ ಅಹಂ ಗಳಾವುದನ್ನೂ ನಾ ಬಿಡೆ

ನೀ ಮಾಡಿದೆ ಎಂದು ನಾಪ್ರತಿ ಎಸಗಲಾರೆ

ಪಡೆದ ಅಗುಳಿಗೊಂದರಂತೆ ಉಪಕಾರಗೈವೆ

ನಿನ್ನ ಮಾತುಗಳಿರಲಿ ಕೊನೆಗೆ ನಿನ್ನ ಬಳಿಯೆ

ಮರೆತರೂ ನನ್ನನ್ನು ನೆನಪಿಡುವೆ ನಿನ್ನನ್ನು

ಅನ್ನದಗುಳಿಗಾಗಿ ಜಗಳ ಬೇಡ

ತಿನ್ನುವುದು ಇನಿತಿರಲು ಬೇರೆಮಾತುಗಳೇಕೆ

ಬರಲಿ ಬಿಡು ಬಳಿಸಾರಿ ಉರುಳೆ ಕಾಲದ ಚಕ್ರ

ಬೇಸರವು ನನಗಿಲ್ಲ ಮೋಸ ವಂಚನೆ ಯಿಂದ

ತಪ್ಪಿನಲಿ ಮಾತೆದ್ದು ಸರಿಗಳಲಿ ಮೌನಗಾನ

ಇದೆಂತ ಪರಿಯ ಬದುಕು ಸತ್ವ ವಿಹೀನ

ಬಂದ ಕಾಲಕೆ ನಾ ಅಂದ ಮಾತುಗಳು ಸರಿಯಾಗೆ

ನೀ ಅಹುದೆಂದು ನಿನ್ನೊಳಗೆ ಬದಲಾಗೆ

ಸರಿಗೊಂಡು ಬದುಕು ಚಲಿಸೆ ಲಘುವಾಗಿ

ಕಾಲದಲಿ ಬೆರೆತು ಹಸನಾಗಲಿಬಾಳು

-ಮಹೇಂದ್ರ ಸಂಕಿಮನೆ